كان فيه مسلسل جة زمان اسمه (فتى الأندلس) .. وكان اللي بيمثل دور فتى الأندلس يوسف شعبان .. حقيقة مش فاكر هو كان بيتكلم عن مين .. لكن بعد البحث السريع فى جوجل اعتقد انه كان بيتكلم عن الملك المنصور محمد بن أبي عامر …. طيب بغض النظر عن الشخوص أي كانت .. فيه مشهد من المسلسل افتكرته.. أنا بفتكره بصفة مستمرة بس جة على بالي النهاردة وانا بقرأ أحد التدوينات فى الريدير.
فتي الأندلس فى بدايته كان شخص بسيط للغاية من العامة .. وهو قاعد عند واحد صاحبه فى دكانه بسيط .. صاحبه هيسأله عن آماله فى الحياة .. فتي الأندلس هيشخص ببصره ويقوله امنيتى اني احكم الاندلس .. صاحبه هيضحك ويتشقلب من الضحك ويقوله لو دة حصل ابقي خلي جنودك يركبوني على حمار بالمقلوب ويلفوا بيا طرقات قرطبة وهما بيكبوا علي العسل .
مرت السنين واقتاد الجنود صاحب الدكان وركبوه بالمقلوب على حمار ولفوا بيه طرقات قرطبة وهما بيكبوا عليه العسل ودة لأن صاحبه القديم حكم الاندلس 
.
.الفكرة يعني : ماتزعلش لو حد قالك آمالك مستحيلة أو مافيش أمل أو اللي بتعمله مالوش فايدة ومحض عبث أو انت ماشي فى الطريق الخطأ ؛ لأنه باختصار بيتكلم عن حاله هو واحساسه بذاته وقدارته الخاصة داخل حانوته الضيق .. يعني هو فى الحقيقة بيوجه كلامه لنفسه مش ليك
.
.
ثق تماما انه بيوجه كلامه لنفسه مش ليك .. فلا تكترث ان هجاك فى تعليق 
+ التعليقات + 2 التعليقات
انا بشكرك على الموضوع دا اللى غير فيا الكثير من الاحلام وفعلا اللى بيقول الكلام دا بيقولوا لنفسه مش لينا
شكرا على التدوينه ;))
ولا يهمك يكفينى انك قرائت التدوينه واستفدت منها ويارب اشوفك حاكم مصر :((
إرسال تعليق